სასწრაფოდ: უმძიმესი ინფორმაცია ქობულეთის შემოვლით გზაზე ავარიისას დაშავებული ხუთი წლის ბავშვი კლინიკაში გარდაიცვალა

Загрузка...
ქობულეთის შემოვლით გზაზე ავარიის შედეგად დაშავებული ხუთი წლის ბიჭი ბათუმის დედათა და ბავშვთა ცენტრში გარდაიცვალა. ინფორმაცია საქართველოს პირველ არხს აჭარის ჯანდაცვის მინისტრმა, ზაალ მიქელაძემ დაუდასტურა.„ბავშვის გადარჩენა ვერ მოხერხდა. გარდა იმისა, რომ მას ჰქონდა მრავლობითი დაზიანება მუცლის ღრუში და რამდენიმე ოპერაცია ჩაუტარდა, სიცოცხლესთან შეუთავსებელი იყო თავის ტვინის დაზიანება, სწორედ ამიტომაც ვერ მოხდა მისი ტრანსპორტირება თბილისში“,- განაცხადა ზაალ მიქელაძემ.
გუშინ ავარიის შედეგად, სწორედ ბავშვის მშობლები დაიღუპნენ. მეორე დაშავებული ბავშვი, რომელიც ბათუმიდან თბილისში გადაჰყავდათ, სიტუაციის გართულების გამო ქუთაისის კლინიკაში დატოვეს.
ავარია ქობულეთის შემოვლით გზაზე გუშინ მოხდა. ერთმანეთს სამი მინივენი შეეჯახა. კლინიკებში ამ დროისთვის სულ 10 დაშავებული რჩება, მათ შორის ორი მძღოლი, რომლებიც საქართველოს მოქალაქეები არიან, დანარჩენები კი უცხო ქვეყნის მოქალაქეები, პოლონელი და არაბი ტურისტები.
შინაგან საქმეთა სამინისტროს ინფორმაციით, გამოძიება სსკ-ის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.скачать dle 11.3
></div>
 
  
  
        
        
        <div class=864 / 14 ივლისი 2019
Загрузка...
სხვა სიახლეები
Загрузка...
კომენტარები