ინფორმაცია, რომელიც ახლახანს გავრცელდა საქართველოში გზებზე გადაადგილება ფასიანი ხდება

საერთაშორისო მნიშვნელობის გზებით სარგებლობა საქართველოში, შესაძლოა, ფასიანი გახდეს, - ამის შესახებ საავტომობილო გზების დეპარტამენტის ხელმძღვანელმა, ირაკლი ქარსელაძემ "საქმის კურსის“ ეთერში განაცხადა. ამ საკითხთან დაკავშირებით ამჟამად აქტიური მსჯელობა მიმდინარეობს და საკითხი 2021 წლამდე გადაწყდება. 
,,ფასიან გზებთან დაკავშირებით მსოფლიო ბანკისა და ევროპის რეკონსტრუქციისა და განვითარების ბანკის მიერ ჩატარებულია ორი კვლევა. ამ საკითხთან დაკავშირებით არსებობს განსხვავებული მოსაზრებები და ამჟამად მიმდინარეობს მსჯელობა, როგორც სხვადასხვა უწყებებს შორის, ასევე დონორ ორგანიზაციებთან, რათა ჩამოვაყალიბოთ ფასიან გზებთან დაკავშირებით კონცეპტუალური მიდგომა. 

არსებობს უცხოეთის წარმატებულ ქვეყნებში გავრცელებული პრაქტიკა, როდესაც მსგავსი ტიპის მოსაკრებლებით ხდება გზების მოვლა-შენახვა. თუმცა, განსხვავებულია შეფასებები და ამ საკითხს სჭირდება დამატებითი მსჯელობა. მხოლოდ ამის შემდეგ მივიღებთ კონკრეტულ გადაწყვეტილებებს. ვფიქრობ, უახლოეს სამ წელში ეს საკითხი გადაწყდება. შესაძლოა ამ სისტემაზე გადასვლა მოხდეს ეტაპობრივად, როგორც წარმატებულ განვითარებულ ქვეყნებში ხდება“ - განაცხადა ირაკლი ქარსელაძემ.

საქართველოში გზების გარკვეული ნაწილი, შესაძლოა, ფასიანი გახდეს. ამ საკითხზე მსჯელობა ისევ განახლდა, თუმცა კონკრეტულ თარიღსა და ფასზე საუბარი არ არის. საავტომობილო გზების დეპარტამენტში მიიჩნევენ, რომ გზებზე გარკვეული მოსაკრებელი ეტაპობრივად დაწესდება. სპეციალისტების აზრით, გადასახადის დაწესება საჭიროა, რადგან ეს თანხა რეაბილიტაციას მოხმარდება.
აქტიური მსჯელობა მიმდინარეობს იმის შესახებ, იქნება თუ არა ფასიანი რიკოთის მაგისტრალი ან ავტომაგისტრალის რომელიმე მონაკვეთზე გადაადგილება. საავტომობილო გზების დეპარტამენტის ხელმძღვანელმა განაცხადა, რომ ფასიან გზებთან დაკავშირებით მსოფლიო ბანკს და ევროპის რეკონსტრუქციისა და განვითარების ბანკს ორი, ერთმანეთისგან დამოუკიდებელი კვლევა აქვს ჩატარებული, სადაც განსხვავებული მოსაზრებებია.
скачать dle 11.3
> </div>
 
  
 

        
        
        <div class= 2 403 / 17 ივნისი 2018"
სხვა სიახლეები
კომენტარები